********** هذا انت**********

للاحبه اضع بين ايديكم هذا الكم

الرائع والمتفرد من الجمال ..
ليت الولد كمّل الدنيـا علـى الـدوّه
ينبت عليه الندى والعشب وهو غافي


وإن غمّض عيونه ونام وطفى ضوّه
تلعثم النور فنجـوم السمـا الصافـي

عذبٍ تشيطن ملاكـه وامتـلا جـوّه
وارتجت الأرض فيـه وردّ لأطرافـي

ما ظل له حول في جلـدي ولا قـوّه
ترك لي البير يمـلا دلـوه السافـي

يلعنك عمرٍ معك مـا تكمـل الخـوّه
خليتني لليبـاس وقلـت لـي كافـي

هذا انت وما تقدر تسّويه بي سـوّه
انـا فتيـلٍ وهـذا عـالـمٍ طـافـي

للريح جلـدٍ طـرٍّي وكـان متشـوّه
في دم هاك الصغيـر اليّـن الحافـي

العمر مـا عـاد ينفـع ليتـه ولـوّه
وكاد ما هو غطاي ولا هـو لحافـي

صار العصا .. في جميله راعي مروّه
ياما تسنّد عليه مـن التعـب وافـي

كبرت ورد الولد غير وكثـر سـوّه
بعضه غدا شيب وبعضه كان بي دافي


منقول