قصيدة جميلة لأغلى ناس

[center]
اليــوم عيــــــد وفرحتي منقاده
لعيونك اللي سحرها شي ثاني

والحق عمري ابتدت اعيــــاده
من يوم صرتي بالغلا عنواني

يا انســــه يا فاتنــه يا غــــاده
يا اقصى طموحي حبيبك يعاني

يا اصدق ميادين الهوى وجهاده
ياقصتن تطرب لها اشــــــجاني

يالمــاجده مجدك علت امجــاده
واصبحتي البيــرق لكل اوطاني

حبــك تمكن بي وشــد اوتــــاده
اقبــل ولا اخليـــه ون خــلانــي

نفسي لنفســك طايعــه كالعــاده
مستسلمه فيها الوفــا متـفانــي

شـــيدت لك قصــــر الغلا وبلاده
متمركزه ما بيــــــن ضلع وثاني

استفردي بالملك مثل القـــــــاده
واستانسي يا ســــــــيدة ازماني

يحق لك تبقين فـــوق وزيــــــاده
ويحق لي ابقى معك وحدانـــــــي

خلن تضميـــــنه ضم الوســـــاده
وتعيشينـــــه دون ما حســـــداني

لنك هــــواه وغايتـــه ومـــــراده
واصدق شعور العاشق الظمياني

يا ســيدة ليــلي وطيــب هجــــاده
لونك مميـــز بيــن كل الوانـــــي

كل البني لجلك غدت حســــــــاده
ومتقفلـه مــن دونـهـن البيــباني

نفسي جفـولــه عنهـن وصــداده
كلـه عشــانك يا بعـــــد خـلانـــي

بيـــن المحاني صرتي المرتـــاده
تمسين في قلبي وسط شــــرياني

وان كان قلبك ينــتظر اعيـــــــاده
عيــدي بدا من يـوم قلبــك جــاني[/center]